QUITO, ECUADOR, AFP.- Ecuador ta pronostiká ku e pais lo vakuna 30.000 persona diario kontra covid-19 kuminsando yanüari próksimo. E dósisnan di e vakuna lo yega e pais e temporada aki segun indikashon di presidente Lenin Moreno.
“Nos lo tin kapasidat pa vakuna 30.000 persona pa dia” segun indikashon di e mandatario den su diálogo ku periodistanan agregando ku tin “posibilidat pa kuminsá vakuná den e promé lunanan di otro aña.
Moreno no a detayá ki vakuna e lo usa, pero tin planiá di vakuná nuebe mion persona den e pais. e minister di salú, Juan Carlos Zevallos a bisa ku e vakunashon lo tuma entre seis i nuebe luna.
Ecuador, ku 17,5 mion habitante tin kasi 186.000 kaso i mas di 13.2000 morto entre kasonan konfirmá i probabel.
Segun Zevallos, un di kada tres persona n Ecuador ta keda infektá ku e vírus. “No ta evidente si esnan aki tambe lo haña e vakuna òf no”. Ecuador a anunsiá un akuerdo ku Pfizer i su sosio BioNTech pa haña akseso na dos mion dósis, kual ta keda entregá progresivamente den 2021.
