QUITO, ECUADOR, AFP.- Presidente ekuatoriano a renobá e estado di emergensia djaluna ku un luna mas pa restourá òrdu den prizònnan den e pais. diferente riot a laga mas di 300 prizonero morto e aña aki.
Presidente Guillermo Lasso a firma un dekreto ku ta permití mobilisashon di polis i forsanan armá pa “reforsá i establesé òrdu i kontròl bèk” den e prizònnan sobrepoblá di Ecuador.
Esaki ta agregá 30 dia mas na e estado di emergensia di 60 dia deklará riba 29 di sèptèmber, despues di un serie di violensia den prizònnan. E aña aki 119 prizonero a muri den siudat di Guayaquil, un di e atakenan di mas violento registrá kompará ku otro atakenan den Latinoamérika kompleto.
E luna aki, den e mesun prizòn, mas di 60 hende a muri den atakenan di prezunan armá ku pistol, machete i eksplosivo.
Lasso a liberá prizoneronan ku enfermedatnan grave i esnan enkarselá pa nan den tráfiko pa aliviá e sobrepoblashon den prizònnan.
