WILLEMSTAD.- Despues di dos aña di renovashon, e edifisio di Ontvanger na Regentesselaan ta kla. I djamars awor dia 22 di yüli ta spera tur kliente ku tin mester di asistensia pa bishitá e edifisio aki.
Manera ta konosí, e edifisio di ontvanger manera nos konosé, a keda kimá na ougùstùs 2019, esta kasi 6 aña pasá. A tira eksplosivo den e edifisio i kousa hopi daño i tabata papia e tempu ei a traha un edifisio nobo.
Pero ora minister Silvania a tuma timon di finansa el a mira ku por drecha esaki. I e trabounan a start na 2023. Na kuminsamentu di e aña aki EXTRA a publiká e avansenan i por a nota ku pa e aña aki mes e lo tabata kla i esei ta e kaso.
Un anunsio di servisio di impuesto ta bisa ku nan lo ta sera mitar dia awe djabièrnè i djaluna ta sera pa e parti di mudansa. I pa djamars 22 di yüli nan lo habri bèk na Regentesselaan.
