CAIRO, EGIPTO, AFP.- Forsa di seguridat egipsio a arestá 11 persona akusá di fábrika kontenido di media pa Al-Jazeera na Qatar, segun indikashon di e ministerio di interior djabièrnè.
E sospechosonan tabata kolaborá ku miembronan di Muslim Brotherhood pa krea kontenido ku ta inkluí un dokumental riba Nort di Sinai, a kambio di sumanan enorme di plaka, segun e ministerio a agregá den e deklarashon.
E sospechosonan a purba “mina seguridat nashonal i stabilidat dor di produsí rapòrtnan fabriká riba e pais su situashon interno pa plama rumor”. E investigashon lo kontinuá bou di maneho di Estado Supremo di Persekushon di Seguridat, segun e ministerio a agregá.
Forsanan di seguridat ta batayando un grupo islamita na nort di Sinai, un afiliado di e grupo Estado Islámiko.
E region ta será pa media, ku eksepshon di bishitanan supervisá pa militar.
