CAIRO, AP.- Egipto a habri dos di su piramitnan mas bieu, situá 40 kilometer na sùit di e kapital Cairo, pa promé biaha desde 1965.
E minister di Antigwedat, Khaled el-Anany, a informá na prensa ku turistanan por bishita Piramide Acodada i su Piramit satélite den e nekropolis di Dahshur, kual ta forma parti di e nekropolis di Menfis, un sitio deklará komo patrimonio kultural di Humanidat pa UNESCO..
Aparte di esaki, e funshonario a anunsiá ku arkeólogonan di Egipto a deskubrí un kolekshon di ‘sacrophagus’ di piedra i palu i algun di nan ku momia aden.
Egipto ta promové su deskubrimentunan históriko ku e speransa di rebibá su sektor turístiko ku no a logra rekuperá despues di aña 2011, kaminda a kita e gobernante Hosni Mobarak for di su puesto.
