HERUSALEM, AP. – E minister di eksterior di Egipto a hasi un bishita inusual na Israel djadumingu i a bisa ku su pais kier mantené e akuerdo di pas entre e israelínan i palestinonan, pero a alertá e kondishonnan pa logra esaki kual a deteriorá.
E biahe di Sameh Shoukry tabata e promé ofisial pa Israel desde 2007 i ta reflehá e lasonan fuerte ku a desaroyá den ámbos nashon den añanan resien. E kansier Egipto a bisa ku e bishita ta pa rebibá e proseso di pas palestinoisraelí.
E esfuersonan di pas no a prosperá desde ku e promé minister israelí Benjamin Netanyahu a asumí kargo na 2009. E último ròndu di negosiashon tabata enkabesá pa Merka, i a wòrdu interumpí dos aña despues ku ningun di e partinan a bai di akuerdo kue puntonan di un futuro pa akuerdo di pas.
E palestinonan ta buskando e kreashon di un estado independiente na Cisjordania, ost di Herusalèm i Gaza, teranan kapturá pa Israel den e guera di 1967. Netanyahu a aseptá e idea di un estado palestino independiente.
Den un konferensia di prensa ku Netanyahu, Shoukry a bisa ku e vishon “di dos estado no ta leu di wòrdu lográ” pero e ta rekerí “paseonan ku ta konstruí konfiansa”.
