Hendenan ta karga un bandera pre-revolushonario irani i ta zuai ku bandera di Merka i Israel durante di un marcha ayera den 42nd Street di New York pa ekspresá nan sosten na kambio di régimen na Iran.
BEIRUT, Libano (AFP).- Un atake di Israel a alkansá e suburbio zùit di Beirut den oranan di djadumingu anochi, despues ku ehérsito israelí den oranan di mainta a saka un órden di evakuashon ku a konta pa vários bario di e zona.
Koresponsalnan di AFP den e kapital libanes a skucha un eksploshon fuerte, esun mas resien di un seri di atake kontra di bastion dje grupo libanes pro iraní Hesbolah den zùit di Beirut.
Libanon a haña su mes den e guera di Medio Oriente dia 2 di mart ora ku Hezbolá a ataká Israel pa venga e lider supremo iraní, e ayatola Ali Jamenei, kende a muri dos dia promé den e ofensiva israeli/norteamerikano kontra di Iran.
Outoridatnan libanes ayera a duna di konosé ku e balansa di morto dor dje atakenan israelí a oumentá te na 850, mientras ku mas ku 830.000 persona a move for dje área, inkluso 130.000 ku ta den diferente refugio.
E áwaseru intenso di ayera a trese mas sufrimentu pa esnan ku ta huyendo, di kua algun shen ta drumi riba kaya.
“Aki nos no tin nada i e situashon ta hopi malu. “Ta hasi friu, hopi beibi ta malu i nos no por protehá nan”, segun un di esnan ku a hui a duna di konosé na AFP.
Den zùitost di Sidon, e Ministerio di Salú di Libanon a bisa ku un atake nokturno a mata sinku persona den e lokalidat di Al Qatrani.
Atakenan israelí riba Libanon miéntras ku gobièrnu di Israel a duna di konosé ku nan no a plania ningun kombersashon ku Libanon pa pone fin na e guera.
