ISTANBUL, TURKIA, AP.- E ehérsito turko a ataká ophetivo di Estado Islámiko miéntras nan ta preparando pa ataká Turkia.
Avionnan di koalishon liderá pa Merka i e turkonan a logra ataká baterianan di kohete i mortero di e milisia radikal den e region di Dabik, na nort di Siria, djasabra anochi.
Ocho kombatiente ekstremista a fayesé den e operashon aki.
Estado Islámiko a reforsá su atakenan kontra Turkia resientemente ku un atentado suisidio na final di luna pasa den e aeropuerto internashonal Ataturk di Istanbul kaminda vários persona a fayesé i algun shen mas a resultá heridá.
Avionnan turko a alkansá shete ophetivo mas di Partido di Trahadónan di Kúrdistan (PKK), den e provinsia di Hakkari, na sùitost di pais.
Kasi 600 efektivo di forsa di seguridat turko a muri na man di PKK na final di un tregua di dos aña i mei entre Ankara i e grupo den yüli na 2015.
