WILLEMSTAD.- Tantu e eks direktor di Goisco komo e komersiante chines detené e siman aki pa labamentu di plaka, por a bai kas awe, abase di un desishon di wes komisario.
J.d S.G a keda detené siman pasa, den e establesimentu di Goisco na Schottegatweg pa menasa i poseshon di arma.
A resultá finalmente ku e arma tabata unu di Airsoft. Awe despues di a bai wes komisario a lag’e bai den libertat pendiente mas investigashon i tambe ora e kaso lo tin di bin dilanti di wes. Abogado di e komersiante sra Jansen a sòru pa wes komisario a keda konvensí pa laga e komersiante bai kas.
Pa loke ta e komersiante chines WSC, detené djaluna e siman aki, tambe por a bai kas awe den dia. E ta ser sospecha di labamentu di plaka i asta nòmber e investigashon tin (Java).
E hòmber aki a yega di kai sera algun aña pasa pa e mesun tipo di kaso, esta banko klandestino.
Segun EXTRA a komprondé, a konfirmá basta plaka den un ofisina, aparentemente di e sospechoso menshoná. E investigashon i entrada hudisial tabata den e negoshinan di Luna Park i tambe e hardware House i tambe den un kas.
Pero WSC tambe a keda pone den libertat, pendiente mas investigashon.
