WASHINGTON, MERKA, AFP.- E èks gobernador di New Jersey, e republikano Chris Christie, un èks aliado di Donald Trump ku a bira un di su krítikonan di mas fuerte, a drenta den e karera presidensial di 2024 awe, presentando su mes komo e úniko kandidato kapas di enfrentá e èks presidente.
Christie, ku tin 60 aña i ta konosí pa su estilo kombativo, a registrá su kandidatura na Komishon Federal Elektoral (FEC).
Asina, e ta uni su mes den un grupo basta grandi di aspirantenan derechista ku ke drenta Kas Blanku, manera e gobernador di Florida Ron DeSantis i èks visepresidente Mike Pence, kende tin intenshon di ofisialisá su kandidatura djamars aki.
Na 2016 Christie, ya a postulá, pero el a retirá i duna su sosten na Trump.
E temporada ei, el a bira un di su asesornan di mas serkano. Pero el a hala pia for di Trump pa motibu ku e èks presidente a ninga di rekonosé su derota kontra e demókrata Joe Biden den elekshonnan presidensial di 2020.
