NEW YORK, MERKA, AFP.- E eks sekretario di Seguridat di México, Genaro Garcia Luna a “traishoná” su pais i Merka dor ku el a risibí miónes di dòler di narkotráfiko, segun indikashon di fiskal djaluna den su huisio na New York.
E arkitekto di guera kontra narkotráfiko, a tuma miónes di dòler na soborno di e kartel di Sinaloa, segun indikashon di e fiskal Philip Pilmar den e huisio. “El a traishoná su pais i esun di nos”, asina Pilmar a bisa.
Garcia Luna a yuda e kartel di Sinaloa, kual Joaquin “Chapo” Guzman a dirigí, despues ku el a introdusí 53 tonelada di kokaina den Merka, kombirtiendo den un “miembro” mas di e konspirashon temporada ku e tabata direktor di Agensia Federal di Investigashon (AFI) entre 2001 i 2005 i e sekretario di Seguridat Públiko di 2006-2012, segun fiskal.
Ku su kasa i yu muhé presente den korte, e eks funshonario mehikano aki ta esun di rango mas haltu ku ta paresé den un korte na Merka.
