WASHINGTON, AP.- E eks direktor di CIA John Brennan a bisa djamars ku e ta preokupá pa e kontaktonan entre e merikanonan “involukrá: ku e kampaña di Donald Trump i Rusia aña pasa.
Den su promé deklarashonnan públiko for di dia ku el a bandoná kargo den yanüari, Brennan a bisa na legisladornan ku e ta preokupá pa e esfuersonan di Rusia pa interferí ku elekshon di 2016.
Miembronan republikano di e pènel di inteligensia di Kámara di Representante a preshoná Brennan pa e bisa si e tin evidensia di interferensia entre Rusia i kampaña di Trump. Algu ku presidente Trump a purba evitá. Brennan a bisa ku CA ta konsentrá riba rapòrtnan di inteligensia, no di “evidensia: i ku e no por rospondé e pregunta aki.
E deklarashonnan di Brennan riba e number di kontakto entre asosiadonan di Trump su kampaña i Rusonan ta pone e detayenan nobo riba front page, siendo ku Trump a pidi su direktor di inteligensia nashonal i hefe di NSA pa bisa públikamente ku no tin evidensia di intervenshon.
Djamars, e direktor di inteligensia nashonal Dan Coats a bisa den un pènel di Senado ku e no ta bai duna komentario riba e informashonnan nobo aki.
