Eks minister Alcala-Walle a yega korte pa tratamentu su kaso
WILLEMSTAD.-Djis algun minüt pasá Marilyn Alcala-Walle a yega korte di hustisia, kompañá pa su kasa, pa tratamentu di su kaso. Manera EXTRA a informa den e edishon di ayera, awe djabièrnè despues di kasi 2 aña ku e señora a baha komo minister, awor ta bai trata e kaso den korte. Marilyn Alcala-Walle a drenta bai paden mesora i EXTRA ta keda pendiente pa asina ku ta posibel nos por trese un reakshon di e señora aki. Esaki ta otro minister ku tin su dia den korte. Ta trata e akusashon ku e siudadano Elvis de Andrade a hasi kontra di e señora den e tempu ku e tabata minister, kaminda a akusá Alcala-Walle ku e tabatin otro aktividat banda di esun di minister i ku aparentemente esei lo ta kontra di lei i screening. Abogadonan mr Hubert ‘Berti’ Braam i tambe mr Olga Kostrewski lo tin e defensa di Alcala-Walle na nan enkargo.