WILLEMSTAD.- Outoridatnan a hasi detenshon un ratu pasa di un eks polis i tambe otro persona latino. Segun informashonnan ku EXTRA ta dispone di dje, e polis ta e persona ku awe EXTRA a referí na dje ku lo ta sospecha den e robo mionario di droga na warda di polis. E informashon ei no a keda konfirmá pa ni polis ni ministerio públiko. Pero tabatin awe dos entrada hudisial na dos kas kaminda e personanan ei a keda detené, segun OM pa poseshon di arma di kandela. Te ainda no ke duna mas informashon di e kaso aki. Den nos edishon awe mainta nos a publiká di un polis ku a tuma su retiro for di kuerpo polisial pa bai traha na un kompania di utilidat, òf alomenos esei el a informá koleganan. Sinembargo tin sospecho ku e lo tin di aber ku e robo di e droga mionario.
Keda pendiente pa mas informashon ya ku nos reporteronan i fotografnan ta riba kaya na e momentu aki i nos lo presentá informashon amplio i reportahe gráfiko.
