BUENOS AIRES, ARGENTINA, AFP.- Fiskalnan di Argentina a kuminsá ku un investigashon kontra eks presidente Mauricio Macri, kende a spioná riba oponentenan polítiko durante sinku aña den ofisina, segun indikashon di fuentenan hudisial djabièrnè.

E keho a wòrdu entregá pa Cristina Caamano, kende a wòrdu apuntá pa e susesor di Macri, Presidente Alberto Fernandez, pa ehekutá un audit di parti Agensia di Inteligensia Federal. Caamano a pidi fiskalnan pa investigá Macri i a bisa ku “el a spioná riba e-mail di mas di 100 persona sin un òrdu hudisial”, segun fuentenan.

E fiskal Jorge Di Lello ta na enkargo di e kaso i ta investigando Macri su eks hefe di inteligensia Gustavo Arrivas i algun eks agente di servisio sekreto den e kaso.

Caamano a proveé ekiponan di kòmpiuter ku a wòrdu konfiská pa e agensia di inteligensia komo prueba kontra e akusashonnan. Esnan víktima di e spionahe ta inkluí diferente embahador, periodista, lider di sindikato, empresario i asta ofisialnan serkano di Macri.

LAGA UN KOMENTARIO

Please enter your comment!
Please enter your name here