QUITO, ECUADOR, AFP.- Eks presidente di Ecuador Rafael Correa a wòrdu sentensia na ocho aña di prizòn pa korupshon durante su 10 aña di gobernashon, segun indikashon di e prokurador general djamars.
Correa, kende tabata presidente di 2007 pa 2017, pero bibando na Bèlgika aktualmente kaminda su kasa a nase, ta un di e diesocho personanan sentensia pa soborno, segun indikashon di e ofisina riba Twitter.
Correa a kritiká e proseso, bisando semper ku e ta víktima di un persekushon polítiko i ta akusá e pais su huesnan pa komplisidat den e kaso.
“Mi sa di e proseso i loke e huesnan a bisa ta un mentira. Nan no a proba apsolutamente nada. Puru testimonio falsu sin prueba”, asina el a skibi riba Twitter. El a wòrdu deklará kulpabel pa aseptá fondo di kompanianan privá pa su kampaña di elekshon 2013.
E eks vise presidente Jorge Glas tambe a wòrdu sentensia, kende ya kaba a haña un kondena di seis aña den prizòn den un kaso separá pa aseptá soborno di e kompania di konstrukshon Odebrecht.
