BUENOS AIRES, Argentina (AFP).- E eks-mandatario argentino Cristina Kirchner (2007-2015) a bira presidente di Partido Justicialista, forsa peronista i prinsipal oposishon dje gobièrnu di e ultraliberal Javier Milei.
“E partido mester forma, informá, planifiká, divulgá i organisá: ta e sinku tareanan fundamental ku kua mester kumpli”, segun Kirchner, dilanti di un ouditorio kargá ku dirigentenan peronista den Buenos Aires.
El a kritiká e medidanan ekonómiko di Milei, a akus’é di “no tin un modelo proaktivo” i a kalifiká e diskurso ku e presidente a duna djamars último na okashon di su promé aña komo “algu deskonektá na e realidat”,
Kircher a keda kondená pa korupshon na seis aña di prizòn i tin prohibishon pa hasi trabounan públiko, un sentensia ku el a apelá na korte Supremo di Hustisia.
E eks-mandatario ayera di forma ofisial a asumí presidensia di e partido, ounke el a keda proklamá for di kuminsamentu di novèmber.
Argentina den 2025 lo tin elekshon parlamentario.
