Eks-presidente peruano (2011-2016) Ollanta Humala huntu ku su kasá Nadine Heredia, kende a haña asilo polítiko na Brasil.
BRASILIA (AFP).- E èks-promé dama di Perú, Nadine Heredia, kondená na 15 aña di prizòn na su pais pa labamentu di plaka, a yega Brasilia despues di a risibí asilo dje gobièrnu di Lula.
Hustisia peruano djamars a kondená Heredia i su kasá, e èks-mandatario Ollanta Humala, pa a risibí kontribushonnan ilegal dje kompania di kontratista brasilero Odebrecht i di gobièrnu venezolano durante di su kampaña presidensial. Humala ta será.
Heredia, di 48 aña, a biaha ku su yu menor pa Brasil, segun un nota di ministerio brasilero di Relashonnan Eskterior.
El a yega Brasilia den un buelo di forsa aéreo brasileño, segun un fuente diplomátiko a duna di konosé.
E èks-promé dama peruano i su yu “a haña e konseshon di asilo diplomátiko” i awor “lo pasa den proseso nesesario pa atendé su migrashon na Brasil”, segun kansiyeria.
Segun medionan brasilero, Heredia anteriormente ya a solisitá pa biaha pa Brasil pa tratamentu pa problema di salú pero e petishon a keda nengá pa hustisia peruano.
