LONDON, REINO UNI, AFP.- “E èks promé minister britániko Boris Johnson a anunsiá ayera, ku el a renunsiá di su puesto komo diputado. El a kulpa e komishon parlamentario ku ta investigando e kaso “partygate” pa su renunsia. E investigashon ta relashoná ku e fiestanan ku a tuma lugá na Downing Street, kaminda no a kumplí ku restrikshonnan di covid.
Johnson, di 58 aña, a informá ku su renunsia ta drenta den efekto inmediatamente, i esaki lo kousa un elekshon parsial pa su asiento komo konservador.
E èks promé minister ainda ta bou di un investigashon parlamentario un aña despues ku el a renunsiá di su puesto komo promé ministro, despues di a pèrdè sosten di su propio Partido Konservador despues di vários skandal.
E komishon parlamentario mester determiná si el a gaña Parlamento intenshonalmente despues ku el a bisa ku e restrikshonnan kontra covid-19 a wòrdu respetá durante e fiestanan ku a tuma lugá na Downing Street den e lockdown di 2020 i 2021.
