WILLEMSTAD.- E èks-sindikalista sr. Hensley Harms ku ta sali pa tur trahadónan di kontratista di refineria a deklará na EXTRA di ta lamentabel ku un situashon asina ta presentá pa ku negosiashonnan pa ku reapertura di refineria, despues di yen di primintimentu, skondementu di kos i awor Banko Sentral a entamá investigashon kontra di CPR. E ta frustrante pa spesialmente trahadónan di kontratista. Harms a bisa ku sindikatonan di trahadónan di refineria Isla, pa viaWILLEMSTAD.- E èks-sindikalista sr. Hensley Harms ku ta sali pa tur trahadónan di kontratista di refineria a deklará na EXTRA di ta lamentabel ku un situashon asina ta presentá pa ku negosiashonnan pa ku reapertura di refineria, despues di yen di primintimentu, skondementu di kos i awor Banko Sentral a entamá investigashon kontra di CPR. E ta frustrante pa spesialmente trahadónan di kontratista. Harms a bisa ku sindikatonan di trahadónan di refineria Isla, pa via di karta a forsa gobièrnu pa duna klaridat na luna di mei aña pasá i tabata nan intenshon pa skohe CPR (Caribbean Petroleum Refinery). Den e proseso di skohementu di un “preffer bider”, a saka unu i hinka esaki (CPR) di atras. Esaki sindikatonan di refineria a sostené. Pero awor nan no ta sali papia nada. Sr. Harms a sigui bisa ku ta for di aña pasá el a sugirí pa RdK (Refineria di Kòrsou)...