CIUDAD DE PANAMA (AFP).- E eks visepresidente di Panamá, José Gabriel Carrizo,a keda detené ayera pa supuesto enrikesimentu no hustifiká, un dia despues ku ministerio públiko -ku no tabata na altura di su paradero- a emití un órden di aresto kontra di su persona.
Carrizo, vise presidente durante e mandato di Laurentino Cortizo (2019-2024), a keda arestá na aeropuerto internashonal di Tocumen, na momento ku el a regresá for di Guatemala, kaminda el a purba na huramentá den Parlamento Sentroamerikano (Parlacen). Carrizo a keda saká for di aeropuerto eskoltá pa vários agente di polis, kendenan a bui su mannan i a hink’é den un vehíkulo, segun imágennan di televishon.
“M’a preferá di bin Panamá ku kara na laria pasobra mi ta inosente, ta un persekushon polítiko”, segun Carrizo na su salida for di e terminal aéreo. Kontrolaria panameño a detektá un patrimonio di 1.3 mion dollar riba kuentanan di Carrizo. Segun e eks-presidente, el a sa via di prensa dje órden di detenshon den su kontra i ku el a preferá pa no atendé e huramentashon di Kontraloria panameño.
