RIO DE JANEIRO, AP.- Outoridatnan a arestá ayera un eks minister di finansa pa supuesto partisipashon den e ret masivo di soborno den e empresa para estatal; Petrobras, birando asina e polítiko di rango mas haltu ku ta keda detené resientemente relashoná ku e kaso aki kual a sakudí Brasil kompleto.
Antonio Palocci kende tabata minister di finansa komo hefe di gabinete den e periodo di 2003 pa 2010 durante e gobièrnu di presidente Luis Inazio Lula da Silva a keda detené na São Paulo den oranan di mainta. Su abogado a bisa ku su kliente ta inosente i a kalifiká e aresto komo un espektákulo.
E investigadónan a señalá ku Palocci a ehersé un influensia enorme riba e direktivanan den konstruktora Brasileño Odebrecht, un di e partisipantenan prinsipal di e ret di soborno den Pe trobras ku segun outoridatnan a alkanse un sifra mas haltu ku 2000 mion dòler durante mas di un dékada.
Ta sospecha ku Palocci negoshá akuerdonan na nòmber di partido di trahadónan, na kual Lula ta pertenesé i e mes a risibí soborno, segun polis.
Den dokumentonan konfiská por mira ku a paga 128 mion di real ku ta 40 mion dòler na hendenan vinkulá den e partido polítiko ei, inkluyendo Palocci entre 2008 i 2013.
