GINEBRA, AP.- Un eksperto independiente ku ta traha pa e ofisina di derechi humano di Nashon Uní a korigí e sifra publiká pa e entidat, indikando ku mas di 100.000 mucha ta detené den sentronan di detenshon pa migrante na Merka.
Manfred Nowak ta dirigí e estudio mundial “Muchanan privá di Libertat” di Nashon Uní i a informá na prensa ku “Nos tin mas di 100.000 mucha detené pa kasonan di migrashon na Merka.
Pero Nowak a indiká ku e sifra aki a wòrdu derivá di datonan di 2015, e kantidat mas resien ku su ekipo a logra determiná. Esaki ta promé ku Donald Trump a bira presidente di Merka, kende su medidanan migratorio a generá kritiká.
Datonan nobo publiká pa e gobièrnu merikano a indiká ku 69.550 mucha migrante a keda detené pa e gobièrnu di Merka durante e último aña ku a pasa. Nowak a reiterá ku Merka ta detené un kantidat mas haltu di mucha kompará ku otro paisnan, kual si tin dato konfiabel.
Merka no a reakshoná mesora riba kuestionario di e ekipo di Nowak, kual a pidi e gobièrnu pa reportá e kantidat di muchanan migrante detené den e pais.
