FRANKFURT, ALEMANIA, AP.- Un grupo di eksperto den informátika a sigurá di a infiltrá den sistemanan di akseso sin yabi, usá pa miónes di vehíkulo, loke ta nifiká ku ladronnan por hòrta un outo sin mester kibra glas di esaki.
Ekspertonan ta bisa ku e sistemanan konosí komo “keyless” fabriká pa Volkswagen desde 1995 por wòrdu imitá pa permití akseso no outorisá paden di e vehíkulo.
Tambe nan ta sigurá ku un otro sistema usá pa markanan manera Ford, Opel di General Motors, Chevrolet i Renault por wòrdu di hack.
Den un dokumento entregá djabièrnè den un konferensia di seguridat Usenix na Austin, Texas, outornan a bisa ku un ladron por usa ekipo komun pa interseptá kódigonan di ingreso na momentu ku esaki ta keda transmití riba frekuensia di radio i despues usa e informashon ei pa imitá un otro remote kòntròl pa habri a vehíkulo.
Volkswagen a indiká ku su modèlnan Golf, Tiguam, Touran i Passat mas resien no a wòrdu afektá. E kompania a agregá ku tin un “kambio konstruktivo” ku ekspertonan ku e ophetivo di mehoria e seguridat di teknologia.
