KABUL, AFGANISTAN, AP.- Un bòm a eksplotá djabièrnè durante un servisio religioso den un moské na Kabul matando dos persona, entre nan e klérigo ku tabata ofisiá e misa, i heridá 16 persona mas, segun informashon di outoridat.
Segun e bosero di e hefe di polis di Kabul, Basir Mujahid, e bòm tabata skondé den e mikrofon ku ta usa durante e seremonia. E ofisiante, Maulvi Samiullah Rayan tabata e blanko di e atake, segun e bosero.
Ningun grupo a tuma responsabilidat pa e atake, pero tantu Taliban komo Estado Islámiko ta lansa atakenan regularmente den e kapital.
