Eksploshon den sentro di Paris a kosta bida di 2 bombero i 47 sivil herida

PARIS.- Un eksploshon den sentro di Paris a kousa konsternashon grandi bou di poblashon franses. E eksploshon tabata unu hopi fuerte segun outoridatnan ta informá. E eksploshon a destruí un panaderia djasabra heridando bastante hende i a kousa destrukshon grandi na bentananan di glas den tur e área. Polis franses ta sospecha ku lo por ta trata di un sistema di gas ku tabata lèk.

E eksploshon a tuma lugá banda di 9’or di mainta ora franses i a destruí e parti mas abou di un edifisio di apartamentu di 7 piso por kompletu. Ta trata di e edifisio ku ta keda na e skina di Rue de Trevise i Rue Sainte-Cecile.

Dos pagadó di kandela a pèrdè nan bida miéntras algun otro a resultá herida. Mei mei di e pániko ku e eksploshon a kousa e pais ta keda den gara di protestanan anti gobièrnu di e grupo yamá “yellow vest”. E protesta ta birando kada bia mas violento.

SHARE

LEAVE A REPLY