BEIRUT, LÍBANO, AFP.- Dos eksploshon enorme na un puerto di Beirut a laga por lo ménos 73 morto i míles di herido. E eksploshon a sakudí edifisionan i kousa pániko i káos den e kapital.
E di dos eksploshon a kibra bentana di edifisionan di kilometernan leu.
Un sòldat na e puerto a bisa ku e situashon ta un káos. Tin hendenan buskando nan sernan kerí entre e ruina i tabatin kadavernan tur kaminda benta.
Outoridat no a aklará kousa di e eksploshon, pero e general di seguridat Abbas Ibrahim a bisa ku e sitio tabata sirbi komo un depósito pa warda materialnan eksplosivo konfiská.
E presidente di Líbano, Michel Aoun a pidi e konsel di defensa nashonal pa reuní urgentemente i a deklará Beirut un zona di desaster. E Promé Minister Hassan Diab a deklará awe un dia di Luto nashonal.
Sòldatnan di e mishon di Nashon Uni na Líbano, kual su barku tabata ankra na puerto di Beirut a resultá gravemente herida, segun indikashon di e mishon.
Habitantenan herida mester a kana bai hospital despues di e eksploshon. Kasi tur vitrina di edifisionan i bentana di outo a rementá.
