HOUSTON, AP.- Un eksploshon fuerte djabièrnè mardugá den e depósito di un empresa industrial na Houston a provoká morto di dos persona, segun informashon di e hefe polisial lokal, Art Acevedo.
Ounke outoridat no ta kere ku e eksploshon tabata intenshonal, esaki a kousa ku a inisiá un investigashon penal, segun Acevedo.
E hefe di polis a pidi bisiñanan den e área pa avisá polis di kualkier informashon ku por yuda ku e investigashon aki.
E edifisio kaminda e eksploshon a sosodé a kaba na nada i edifisionan den e área a sufri dañonan grave. E depósito ta pertenesé na e empresa Watson Grinding and Manufacturing, kual ta fábrika piesa pa diferente mashin di diferente industria.