LONDRE S , AP. – E oportunidatnan nobo di desaroyo ekonómiko den Artiko ta yen di riesgonan grandi di desasternan ambiental, debí na e falta di konosementu tokante e region. Asina un rapòrt britániko a indiká djaweps.
E informe e keda publiká pa e asegurador di Londen, Lloyd’s i Chatham House, un instituto di relashonnan internashonal i sentro respetá di estudionan.
A informá ku e region di Artiko lo por atraé 100.000 mion dòler òf mas den invershonnan di mina, piskamentu, aktividatnan marítimo i turismo den e siguiente dékada.
“Ounke ku proyekshonnan ta importante, e trayektorio i velosidat di desaroyo ekonómiko den Artiko no ta sigur”, asina e dokumento a indiká. “Tin hopi buraku den inf ras t ruktura i konosementu riba Artiko ku ta wanta e desaroyo.
E rapòrt ta señalá ku mester di infrastruktura i vigilansia pa promové un aktividat ekonómiko sigurá.
E rapòrt a pidi pa e integrantenan di e Konseho Artiko tuma e inisiativa pa promové regulashonnan mas estrikto pa e aktividat ekonómiko den e region. E integrantenan aki ta Canada, Dinamarka, Finlandia, Islandia, Noruega, Rusia, Suisa i Merka.
