“EL CHAPO” GUZMAN
WASHINGTON (AFP).- E narkotrafikante mehikano, Joaquin “Chapo” Guzman, a manda un karta pa outoridatnan hudisial norteamerikano pa pidi su traslado pa su pais di nasementu. E ta di opinion ku su kaso na Merka tabata iregular i su kondena perpetuo ta “kruel”. Ekstraditá den 2017, despues di dos huida for di prizònnan mehikano, El Chapo ta kumpli kondena den un prizòn di máksimo seguridat na Colorado.
AFP por a konsultá tres karta skirbí pa e ko-fundador di e organisashon di kokaina di Sinaloa, registrá den e sistema di informashon hudisial federal djaluna último. “Esaki ta un karta kortes riba e pruebanan pero ku no a keda aprobá, segun Chapo den un ingles ku fayonan di gramátika.
El Chapo a pidi den e karta, dirigí na tribunal i distrito di New York, pa rekonosé su “derechi pa regresá “ su pais sin aklará si su solisitut ta pa kumpli sobrá dje kondena na Mehiko.
Den otro karta dia 20 di aprel, El Chapo ta keha di a pidi sin éksito pa e dokumentonan ku a kondusí na su kondena’. “E dokumentonan ei no ta proba mi kastigu kruel”, segun el a agregá. “E veredikto di mi huisio no tabata hustu”, el a bisa mas aleu.
Mas aleu e ta bisa ku ya ta kumpli tres aña ku e ta sperando riba su apelashon. Na vários okashon El Chapo a reklamá e kondishonnan di prizòn, e echo ke a aislá i falta di bishita di parti di su famia.
