Presidente salvadoreño, Nayib Bukele.
SAN SALVADOR (AFP).- Presidente salvadoreño, Nayib Bukele, ayera a hasi mas fuerte su guera kontra di gengnan ora ku el a pidi Kongreso, ku ta bou di su kontròl, un kambio konstitushonal ku ta permití kadena perpetuo pa “homisidio, violadónan i teroristanan”.
Bukele, ku kasi ta ehersé un poder apsoluto den e pais, a presentá su inisiativa algun dia despues ku organisashonnan di derechinan humano a senalã ku tin “krímennan kontra di humanidat” den su polítika di seguridat, por sierto un polítika ku vários pais latinamerikano ta buska moda pa kopia.
E proposishon a keda entregá´pa e Minister di Seguridat, Gustavo Villatoro, na Asamblea Legislativa, dominá pa e partido di Bukele, i komo tal sin mas nan ta konta riba e aprobashon. “Nos guera grandi kontra di teroristanan no ta para. “Pa e motibu ei nos ta solisitá kadena perpetuo pa e tipo di kriminalnan ei”, segun e minister. E proyekto di lei a keda presentá faltando algun dia pa kumpli kuater aña di un régimen di eksepshon ku a habri kaminda pa 91.500 detenshon sin òrdu hudisial, akusá di ta miembronan di gèng of kómplisenan di esakinan.
Villatoro hibando palabra den sala di Kongreso dje pais, a rematá kontra di organisashonnan di derechinan humano. “Ta trata di algun demonio ku ta representá e maldat, tambe pobresa i insinseridat”, segun el a bisa.
Bufete, di su parti, a referí na organisashonnan di derechinan humano komo “bufetenan lokal internashonal di krímen”.
