SANTIAGO, CHILE AFP.-  Presidente di Chile Sebastian Piñera a presentá un lei ayera pa posponé ku 5 siman e elekshonnan di alkalde, gobernadó i konstituyentenan previsto pa dianan 10 i 11 di aprel awor, esaki debí na e oumento di kontagionan di COVID.

Despues di un negoshashon difísil den kuadro legislativo, a keda konfirmá ku elekshon lo ta den fin di siman di 15 i 16 di mei.

“No a mustra prudente ni kumbiniente pa realisá elekshonnan otro siman”, asina Piñera  a bisa na palasio di La Moneda, 9 dia despues di anunsiá e proyekto pa wanta e elekshonnan.

“Pa motibunan ku nos gobièrnu tabatin pa promové e posponementu aki ta sólido i ta básikamente dos; kuido di salú na nos kompatriotanan i na di dos lugá kuida e salú di nos demokrasia”, asina el a agregá.

Piñera a splika ku e desishon a keda tumá ku base den e brote intenso di e pandemia na Chile, kaminda apesar di e proseso rápido di vakunashon, ku mas di shete mion do persona ya vakuná ku por lo ménos un dósis, e kasonan a pasa rèkòrt diario.

LAGA UN KOMENTARIO

Please enter your comment!
Please enter your name here