WILLEMSTAD.- Fundashon Karnaval Banda Bou ta invitá pueblo di Kòrsou pa bin Banda Bou djasabra 26 yanüari próksimo, pa asina disfrutá di Elekshon Hubenil i Adulto pa Karnaval Banda Bou 2019, selebrando nan 50 aniversario.
Esaki lo tuma lugá den e Sala Multifunshonal Shon Pe Hooi na Barber. E partisipantenan pa Reina Hubenil ta : 1. Shaneda Luciana, 2. Alany Rafaela, 3. Rushaviana Petronilia, 4. Sherytian Felisie, 5. Maryonie Obispo.
Duo Prens i Pancho Hubenil : 1. Raimison Martina i Railipo Martina, 2. Jear Thomson i Greanderick Jansen, 3. Shuremy Michel i Joshua Thielman.
Reina Adulto 2019 : 1. Daisha Jansen, 2. Seajae Fraai Sambo, 3. Dyshona St. Jago.
Duo Prens i Pancho Adulto : 2. Jacqier Tweeboom i Clarickson Kraal, 3. Crisandro Margarita i Christiaan Vilchez, 4. Roviendrick Nocento i Jendrey Mingeli.
Elekshon Hubenil ta kuminsá pa 3 or di mèrdia pa 7 or anochi, despues pa 8.30 or anochi, ta kuminsá Elekshon Adulto 2019 te 1 or di mardugá. Entrada pa Hubenil ta 15 florin pa adulto i 5 florin pa mucha i pa Elekshon Adulto e preis ta 20 florin pa persona.
Buska bo karchi serka tur partisipante, na 4th of July Snack na Barber. Fundashon Karnaval Banda Bout a invitá bo pa bin apoyá i sostené nos hóbennan ku ta bai bira e Embahadornan pa Karnaval 2019 selebrando 50 aña.
