Presidente colombiano Gustavo Petro (r) ta hiba durante durante di un enkuentro ku disidentenan FARC kendenan a bandoná e grupo gueriero.
BOGOTA, Colombia (AFP).- Gueria di ELN tin komo 70 hende sekuestrá den diferente region di Colombia, segun Defensor di Pueblo.
Ejército de Liberación Nacional (ELN) den luna di yanüari a kibra e negosiashonnan di pas ku e tabatin ku e gobièrnu di Gustavo Petro i a oumentá su preshon violento den zonanan stratégiko pa e narkotráfiko kaminda nan tin kontròl.
“E situashon ta bira mas grave den regionnan manera Catatumbo, kaminda ELN tin sigur 55 hende sekuestrá, akusando esakinan di ta kolaborá ku eks-gueriyeronan di Frente 33”, segun un boletin dje organisashon ku ta sali pa protekshon di derechinan humano.
Den e mondi grandi ku seru na frontera ku Venezuela a rebeldenan a lansa un atake kontra guerieronan di FARC ku a apartá nan mes dje apsurdo di pas di 2016. Tabata un ofensiva ku a laga 78 morto i 55.000 siudadano ku a bandoná nan kas medio yanüari.
Den e departamento bisiña di Arauda tambe tin 18 persona sekuestrá, segun e entidat.
“E sufrimentu di esnan sekuestrá i nan famianan ta devastador i no tin reparashon”, ademas di ta “un krímen kontra di humanidat”, segun Iris Martin Ortiz, defensor di pueblo.
Mayoria di organisashonnan ilegal ta kometé krimen komo forma di finansiamentu pa ehersé preshon riba e poblashon.
Ministerio di defensa di Colombia a apuntá ku entre yanuari i febrüari di 2025 a registrá 40 diferente kaso di sekuestro den e pais.
Den luna di mart 28 polis militar a keda sekuestrá durante di dos dia, den un enklave gueriero.
