BOGOTA, COLOMBIA, AP.- E hefe máksimo di ELN a bisa djaluna ku tin “diferensia importante” entre e proseso di pas ku su organisashon gueriero ta hibando ku e gobièrnu kolombiano i ku ta desaroyando na Cuba ku FARC.
Segun e lider di rebelde Nicolas Rodriguez Bautista, alias “Gabino”, un di e diferensianan grandi ta ku ELN su proseso di pas ta tuma lugá ku e partisipashon di sosiedat, spesialmente representá pa gruponan mas ekskluí.
Den un video publiká djaluna “Gabino” a indiká ku ELN ta representá e forma kin FARC ta desaroyando den La Habana ku negosiashonnan di pas ku e atministrashon di presidente Juan Manuel Santos.
Den e mesun video “Gabino” tabata kompañá pa otro dos dirigente di ELN yama: Israel Ramirez Pineda, al ias ” Pablo Beltran”, i “Gustavo Anibal Giraldo, alias “Pablito”.
Riba 30 di mart último, Ehérsito Liberashon Nashonal ( ELN), i e gobièrnu di Santos a forma un proseso di negosiashon pa purba pone fin na mas di mei siglo di hostilidat entre e partinan.
Pero e mandatario kolombiano a bisa ku miéntras ELN no laga tur esnan sekuestrá liber, lo no permití e komienso di un fase públiko di negosiashon.
ELN tin 1.500 kombatiente den su filanan i ta e segundo gueria di e pais despues di FARC.
FARC ta purbando di seya pas ku Santos desde fin di 2012 den e kapital kubano.
