WASHINGTON, USA (AFP).- E fundadó di SpaceX i Tesla, tambe propietario di X, Elon Musk, e hòmber mas riku na mundu, ta e promé persona ku su fortuna a superá 400.000 mion dòler, segun e agensia Bloomberg.
E preis di akshon di Tesla a oumentá 65% for di despues di elekshon di Donald Trump na Merka, segun Bloomberg. E oumento bárbaro a tuma lugá despues ku SpaceX i su invershonistanan a akordá kompra di 1.250 mion dòler na akshon (privá) den un transakshon ku ta hiba balor dje kompania espasial na 350.000 mion dòler.
E transakshon ei a oumentá e fortuna personal di Musk ku 50.000 mion dòler pa poné na 440.000 mion, segun e agensia Bloomberg.
Komo persona hopi yegá na Trump, Musk tabata e prinsipal donante polítiko di historia di Merka ku mas di 270 mion dòler durante e kampaña presidensial pasá, di akuerdo ku datonan di Komishon Elektoral.
E relashon di Musk ku Trump a trese sierto inkietut riba eventual konfliktonan di interes.
Musk lo ta na kabes di un komishon enkargá pa kòrta den gastu públiko pa hasi e estado federal mas efisiente.
