WILLEMSTAD.- Ayera Elsa van Uytrecht a selebrá su 100 aña. Un señora kontentu ku tur dia mester lesa su EXTRA. E tabata rondoná ayera di famia i amigunan. Tabata presente nos kolega Stanley Ignacio ku konosé sra. Elsa for di dia e tin 14 aña, manera el a bisa nos.
Elsa van Uytrecht a krese den Kunuku Abou i e ta e úniko van Uytrecht ku ta yega 100 aña. Tambe tabat’ei e presidente di Konseho pa Grandinan. Diferente minister, entre nan promé minister, minister di SOAW, Minister di OWCS, presidente di parlamento i algun parlamentario a bai kanta bolo ku sra Elsa. Pabien na sra. Elsa di parti di nos tur di EXTRA.
