INGLATERRA.- Elthon John ta kombensí ku e generashon aktual di músikonan no por komponé un kansion desente.
‘Lo mi tabata ke pa e hendenan por a komponé mas mihó’, asina Elton John a bisa BBC. Hopi muzik ta wòrdu kreá ku kòmpiuter anto esaki pa e artista ta un fayo grandi.
‘Komo músiko bo ta pèrdè bo abilidat pa por produsí músika di kalidat’.
Den añanan 50, 60 i 70 e tabata kompletamente otro, asina e kantante ta indiká, te hasta ku e kansionnan malu. ‘Aktualmente tin un kantidat di músika riba listanan di éksito, pero ku bo no por kanta huntu ku nan, pasó nan ta solamente ‘beats’.
E kantante di 71 aña di baina ta skucha su músika riba radio. ‘Aworakí ta oportunidat pa otronan, pero e ta frustrante’, asina el a añadí.
Siman pasá e artista a lansa dos albùm, ‘Revamp’ i ‘Restoration’, riba kua diferente artistanan konosí manera Lady Gaga i Ed Sheeran ta interpretá kansionnan di Elton John. Di e forma aki e ta spera ku su músika lo alkansá e hóbennan ku no konosé ainda.

LAGA UN KOMENTARIO

Please enter your comment!
Please enter your name here