WASHINGTON, MERKA,.- E embahada merikano na Venezuela a reanudá su operashonnan djaluna despues ku esaki a keda será pa shete aña, segun Departamento di Estado. E embahada a habri bèk despues ku Washington a detené e presidente iskierdista Nicolas Maduro.
“Awe nos ta resumí operashonnan ofisialmente den e embahada di Merka na Caracas, kuminsando ku un etapa nobo na Venezuela”, segun indikashon di Departamento di Estado.
E funshonamentu normal di e embahada “lo yuda ku kontakto direkto ku e gobièrnu interino, sosiedat, i empresanan den e pais”.
Den un deklarashon na Al Jazeera, e sekretario di Estado Marco Rubio a elogiá outoridatnan interino, pero el a bisa ku den futuro mester bini un transishon demokrátiko.
“Mester bini un transishon kompleto, pasó pa Venezuela mehorá su ekonomia, e pais mester tin un gobièrnu stabil i demokrátiko”, asina el a añadí.
Merka a sera su embahada na Caracas na aña 2019, despues ku Washington i un kantidat di aliado a deklará Maduro komo ilegítimo despues di elekshon.
