STRASBURG, Fransia (AFP).- Un tribunal di Strasburgh, den ost di Fransia, a kondená un empresa di servisio di informátika na un multa di 70.000 euro (US$75.000) pa “homisidio no boluntario” despues di suisidio di un empleado.
E trahadó di Objectware a keda poné na disposishon di un otro empresa durante dje pandemia di covid-019. Den mart di 2021, na edat di 62 aña, el a kometé suisidio.
“Debí na pandemia, el a keda aislá den su ofisina, sin informashon ni kapasitashon sufisiente pa por a realisá su mishon. E tabata opheto di krítika di parti di su manager. El a pone fin na su bida tirando su mes for dje di dies piso dje edifisio”, segun fiskal.
E tribunal a konsiderá ku e empresa no a kumpli ku su obligashonnan di kontrolá e dianan di trabou, ku den hopi kaso tabata superá e legal máksimo, i di prevení riesgonan psiko-sosial.
Riba su website, e kompania ta bisa di tin 900 empleado i ta fakturá 90 mion euro (97 mion dollar). Tambe nan ta promové e slogan “Great place to work”.
