RIAS, SAUDI ARABIA, AP.- E kompania di petroli estatal saudi, Aramco a desplasá Apple komo kompania mas balioso na mundu, despues ku e kompania a debutá riba e merkado di balor saudi.
E akshonnan di e kompania a oumentá ku 10%, oumentando e balor nominal di Aramco na 1,88 bion dòler. E kompania a rekoudá 25.600 mion dòler riba merkado, kual ta un kantidat record pa un Initial Public Offering (IPO).
Te ku djamars, Apple su balor tabata 1,19 bion dòler na Merka.
Si e kompania debutá riba e merkado internashonal, e empresa mester kumpli ku normanan mas estrikto i leinan estranhero. Solamente siudadanonan saudi, residentenan den e pais òf siudadanonan di estadonan di Golfo Pérsiko por kumpra akshon di e kompania. E empresa tin derechi eksklusivo pa eksplorá i bende reservanan di energia den e reino. Funda na aña 1933 ku e kompania Standard Oil, e estado saudi a atkerí e propiedat kompletamente na aña 1980.
