PHNOM PENH (AP).- Outoridatnan di salubridat di Camboya ta buska kousa di un enfermedat misterioso ku a kousa morto di mas di 60 mucha den e último tres lunanan, asina e Organisashon Mundial di Salú (OMS) a informá ayera.
E ‘síndrome sin diagnóstiko’ a mata 61 di e 62 muchanan atendé den hospitalnan for di aprel, pero no tin indikashonnan di ku ta trata di un enfermedat kontagioso, asina e bosero di OMS, Aphaluck Bhatiasevi, a bisa.
E bosero a bisa ku e empleadonan di salubridat ta trata di determiná si e kasonan tabata di e mesun tipo di enfermedat òf un konhunto di vários enfermedat.
E muchanan tabatin ménos di 10 aña di edat i inisialmente nan tabatin síntomanan di keintura haltu, siguí pa afekshonnan neurológiko i problemanan grave ku respirashon ku a avansá rápidamente.
E kasonan a keda reportá den hospitalnan di 14 provinsia, ku mayoria di e kasonan na sùit di Camboya.
Den e deklarashon, e minister di Salubridat Man Bung Heng a bisa ku e identifikashon di e kousa di e enfermedat lo por tuma algun tempu. El a bisa ku a alertá e paisnan bisiña