46,1% VENEZOLANO LO VOTA PA CHAVEZ
C AR AC AS , AP. – E presidente Hugo Chavez ta superá su opositor Henrique Capriles ku 15,3% punto prosentual di voto, pero e tres lunanan ku falta pa elekshonnan ta amplia esnan indesiso ku por alterá e sifranan aki. E enkuesta ta basá riba estudionan di un di e enkuestadonan mas prinsipal lokalmente.
E enkuesta d Datanalisis, a keda hasi den yüni ku 46,1% di voto pa Chavez, 30,8% a
Capriles i 23% no sa ainda.
E enkuesta a keda hasi dia 14 i 23 di yüni entre 13000 pèrsona i tin un márgen di eror di 2,72%.
E presidente di Datanalisis, Luis Vicente Leon, a bisa ku e tasa indesiso por ta definitorio pa kualkier un di e dos kandidatonan.
Den ent r evi s ta ku Associated Press Leon a bisa ku e mas tantu di votadónan definí ta basá den Oriente, Sentro-oksidente, i Andes i ta mayormente esnan mas hóben di tur e klasenan sosial. “Ainda Chavez ta e kandidato di promé posishon, pero e no ta sigur”, asina e direktiva di Datanalisis a bisa. El a agregá ku Capriles ta logrando un presensia mas grandi ku e kampaña i ku e movementu di esnan indesiso entre mei i yüni generalmente a faboresé.
“ Chavez tin sèn, poder,modaiekontròl institushonal”, asina el a agregá.
Pa loke ta e kanser ku Chavez ta sufri di dje for di aña pasá, Leon a bisa ku ta fundamental ku e mandatario ta mustra ku el a superá e enfermedat, kontrariamente esaki lo por bira un kosto polítiko.
Siman pasa, e mandatario di 57 aña a informá ku e ta “totalmente liber” di e enfermedat, pero no a duna niun informe médiko riba su estado di
salú.
