Miembronan di Ezzedine al-Qassam, e grupo armá di Hamas, durante di entiero di Marwan Isa ayera.
BUREIJ, Palestina (AFP).- Algun shen palestino ayera a asistí na e kampamentu di refugiadonan di Gaza pa e entiero di Marwan Isa, e number dos dje brasa armá di Hamas, kende a keda matá pa Israel.
Hopi kombatiente dje brasa militar di Hamas, e Brigadanan Ezedin Al Qasam, ku kara kubrí i fusil riba skouder, a tuma parti na e entiero den e kayanan smal dje kampamentu di Bureij.
Ehérsito israelí den mart di 2024 a bisa di a mata Isa den un bombardeo. Tabata te 30 di yanüari último ku Hamas a konfirmá e morto di e lider.
E kaha, ku restunan di Isa, a keda kubrí ku bandera palestino i ku tela koló bèrdè di Hamas, kargá pa milisianonan.
“No kere mes ku e resistensia a kaba ku asesinato dje gran lider Marwan Isa”, segun un kombatiente di Yihad Islamika, un movementu aliado di Hamas di kua e miembronan a asistí na e entiero.
Israel a akusá Isa di tabata un dje selebrenan dje atake di 7 di òktober di 2023, ku a los e guera den Gaza.
