WILLEMSTAD.- Ayera polis a kita otro sospechoso di ladronisia di outo for di kaya. Ultimo simannan Kòrsou ta asotá pa tantu ladronisia di outo. Polis ta informá ku relashoná ku diferente ladronisia kometé den e área di Banda Riba polis a hasi dos entrada hudisial. Ayera djabièrnè den oranan trempan di mainta, personal di Warda di Polis di Montaña konhuntamente ku UST a tene entrada hudisial na un kas na Montaña Rey i un  WILLEMSTAD.- Ayera polis a kita otro sospechoso di ladronisia di outo for di kaya. Ultimo simannan Kòrsou ta asotá pa tantu ladronisia di outo. Polis ta informá ku relashoná ku diferente ladronisia kometé den e área di Banda Riba polis a hasi dos entrada hudisial. Ayera djabièrnè den oranan trempan di mainta, personal di Warda di Polis di Montaña konhuntamente ku UST a tene entrada hudisial na un kas na Montaña Rey i un na Cocolodeweg. Na e kas na Montaña Rey no a topa ku e sospechoso ku nan tabata buska. Alrededor di 06.12 or na e kas na Cocolodeweg a detené un sospechoso relashoná ku e ladronisianan ariba menshoná. Ta trata aki di e hòmber J.T.G.M. nasé na Kòrsou di 19 aña di edat. A presentá e sospechoso dilanti un fiskal ouksiliar ku a ordená su enkarselamentu pendiente mas investigashon.