WILLESMTAD – Awe mainta tempran outoridatnan i pa ta mas spesífiko e departamento anti droga i krímen organisá a hasi un entrada hudisial na un kas na Dokterstuin. Ta trata aki di un investigashon preliminar ya ku ta sospecha e hòmber di a pòst un pakete ku droga. Vários ta e agentenan ku a akudí na e kas den Kaya Julius Servilio pa por hasi e detenshon i tambe buska mas prueba ku por yuda nan den investigashon di e kaso spesífiko aki. A hiba e sospechoso warda di polis pa interogashon. E kaso aki tambe ta den investigashon.
