WILLEMSTAD – Awe den oranan tempran di mainta un grupo grandi di outoridat konsistiendo di entre otro Wes Komisario, Atrako Team i Team di Djoiriding hasi entrada hudisial na vários sitio na Kòrsou. A bai na un kas den Willemhoyerstraat na Brievengat i tambe na Mahuma unda a hasi un detenshon. Polis ainda no ta duna muchu informashon den kuadro di e investigashon aki pero lokual ku por a komprondé ta desmantela un geng ku ta hasi nan mes kulpabel na ladronisia di benta i porta di kasnan den konstrukshon. Asina ku risibí informashon ofisial lo tres esaki pa lektornan di Extra.
