MIDDLESBROUGH.- Resientemente e entrenadó di Middlesbrough Kim Hellberg tabatin bon palabra pa Sontje Hansen.
Hellberg a bisa ku el a nota un diferensia grandi den Sontje Hansen, i ku e atakante ta pushando pa por ta titular despues di kuater luna.
Despues di vários luna sin mira masha akshon, Sontje Hansen a impreshoná den e lastu dos partidonan ku el a drenta komo kambio, kual su entrenadó a deskribí komo fogoso.
Sontje su promé temporada ku Middlesbrough no a bai manera a spera. Na promé lugá despues di apénas 15 wega Rob Edwards, ku a firma Sontje Hansen, a baha komo entrenadó di e ekipo. Ora ku Hellberg a drenta komo entrenadó, el a opta pa usa otro opshonan den atake.
E entrenadó di Middlesbrough a trese dilanti tambe ku e ta kanando ku e idea pa duna Sontje Hansen komo titular, pero pa motibu ku e atakante tabata malu i tabatin kompromiso ku selekshon esaki no a tuma lugá.
E atakante di 23 aña e temporada aki a hunga 17 partido pa Middlesbrough, den kua el a sa di anotá un gol.
