TORONTO, AP.- E empresa Equifax a bisa djamars ku e informashon personal di 100.000 kliente kanades a wòrdu komprometé despues di filtrashon di datonan ku e kompania a sufri i kual a Sali na lus resientemente. E empresa a bisa ku e investigashon ta kontinuá i ku e informashon filtra ta inkluí nòmber, adrès i number di seguro sosial. Den algun kaso esaki tabata inkluí number di tarhetanan di krédito tambe.

E presidente i gerente general di Equifax Canada, Lisa Nelson, a ofresé su diskulpa pa konsumidónan afektá.

Dia 7 di sèptèmber, Equifax a anunsiá ku esaki a sufri un atake informátika ku posiblemente a wòrdu komprometé ku e informashon personal di 143 mion merikano i algu ménos di 400.000 residente britániko.

E  agensia di protekshon di privasidat na Canada a anunsiá djabièrnè ku ta investigando e echo i ku Equifax a komprometé na avisá esnan afektá mas lihé posibel.

LAGA UN KOMENTARIO

Please enter your comment!
Please enter your name here