PHILADELPHIA, AP.- E investigashon riba un fayo di motor di un avion di Southwest Airlines ta enfokando riba si e eroshon prematuro di e metal a kousa ku un insidente, kousando un kadena katastrófiko di evento ku a provoká morto di e pasahero.
Esaki tabata e promé morto di un pasahero di un aerolínea merikano desde 2009.
Desde deskubrimentunan inisial di e investigadornan, e aksidente ta parse notablemente similar na un fayo en un otro avion di Southwest dos aña pasa. E echo aki a kousa ku e fabrikante di e motor i reguladornan a preshoná pa realisá inspekshonnan ultrasóniko di e ventiladornan di motor manera di esun ku e eksplotá na pida djamars, na 32,5000 pia den laira riba Pennsylvania.
Na momentu ku e investigadornan di e Hunta Nashonal di Seguridat den Transporte (NTSB) a eksaminá e motor na Philadelphia algun ora despues ku esaki a aterisá di emergensia, mesora nan a nota ku esaki tabata falta 24 aspa di e ventilado di e motor robes.
